जिल्ला सहकारी संघ ओखलढुंगाको अध्यक्षमा सरोज धमला निर्वाचित
काठमाडौ । जिल्ला सहकारी संघ लिमिटेड, ओखलढुंगाको अध्यक्षमा सरोज धमला निर्वाचित भएका छन ।
संघको आज सम्पन्न भएको दोस्रो वार्षिक साधारण सभाले धमलाको अध्यक्षतामा नयाँ संचालक समिति र लेखा सुपरिवेक्षण समिति चयन गरेको हो ।
सभाबाट उपाध्यक्षमा कल्याण राई, सचिवमा देव कुमार दाहाल र कोषाध्यक्षमा राम कुमारी गुरुङ निर्वाचित भएका छन् ।
संचालक समितिको सदस्यमा गोपाल तामाङ र दिनेश काफ्ले निर्वाचित भएका छन ।
यसैगरी साधारण सभाबाट संघको लेखा सुपरिवेक्षण समिति सदस्यमा योगेश्वर दाहाल र कल्पना बानिया निर्बिरोध निर्वाचित भएका छन् ।
अध्यक्षमा निर्वाचित धमला नेपाली काङ्ग्रेस ओखलढुंगाका युवा नेता हुन । सुनकोशी गाउँपालिकाका प्रभावशाली युवा धमला ओखलढुंगाका चर्चित ब्यबसायी समेत हुन ।
